ताजा अपडेट

बसको ठक्करबाट दुईजनाको मृत्यु

          |   135 Views   |   Published Date : 15th April 2018 |

death-body-1024x576-1024x576

झापा, वैशाख १ । पूर्व–पश्चिम राजमार्गको बिर्तामोड सडकखन्डमा यात्रीबाहक बसको ठक्करबाट साइकलयात्रीको मृत्यु भएको छ ।

मृत्यु हुनेमा बिर्तामोड नगरपालिका–१ निवासी ३५ वर्षीय प्रेम राई रहेका छन् ।

९ वर्षीय छोरा करणलाई साइकलमा पछाडि राखेर दक्षिणबाट आउँदै गरेका उनलाई सडक पार गर्नेक्रममा पश्चिमबाट पूर्वतर्फ जाँदै गरेको मे१ख १३७१ नम्बरको बसले ठक्कर दिएको थियो ।

बसको ठक्करबाट गम्भीर घाइते बनेका बाबुछोरालाई नै बिर्तामोडस्थित बीएन्डसी अस्पतालमा उपचारका लागि पुर्‍याइएपनि प्रेमको अस्पताल पुर्‍याएलगत्तै मृत्यु भएको जिल्ला ट्राफिक प्रहरी कार्यालय झापाका प्रहरी निरीक्षक राजेश राईले जानकारी दिए ।

घाइते छोराको भने सोही अस्पतालमा उपचार भइरहेको प्रहरीले जनाएको छ ।

बसका सहचालक मेचीनगर नगरपालिका–१० निवासी १६ वर्षीय विशाल कार्की डोले बसबाट झरेर गम्भीर घाइते बनेका छन् ।

बसले साइकललाई ठक्कर दिएपछि ब्रेक लगाउनेक्रममा बसको ढोकामा रहेका उनी बसबाट झरेको प्रहरीले जनाएको छ । उनको पनि बीएन्डसी अस्पतालमा उपचार भइरहेको प्रहरीले जनाएको छ ।

यता, पूर्व–पश्चिम राजमार्गको कनकाई नगरपालिकास्थित सुरुंगा सडकखन्डमा बाटो काट्नेक्रममा बसको ठक्करबाट एक महिलाको मृत्यु भएको छ ।

शनिबार साँझ पूर्वबाट पश्चिमतर्फ आउँदै गरेको बा३ख २१८८ नम्बरको बसले महिलालाई ठक्कर दिएको थियो ।

बसको ठक्करबाट घाइते भएकी महिलाको अस्पताल लैजानेक्रममा मृत्यु भएको प्रहरीले जनाएको छ ।

मृतक महिलाको पहिचान भने खुल्न नसकेको जिल्ला ट्राफिक प्रहरी कार्यालय झापाले जनाएको छ । रासस

Facebook Comments








Leave a comment

Your email address will not be published.


*


गणतन्त्र दैनिकद्वारा सञ्चालित गणतन्त्र अनलाइन डट कम डट एन पी, घोराही, दाङ पत्रिकाको सम्पादक/प्रकाशक : सविन प्रियासन अनलाइन सम्पादक:दीपक जीएम
इमेल :
daily.ganatantra@gmail.com फोन नम्वर : ०८२–५६१९०८, ९८४७८२५४५१