दाङ, फागुन  । घोराही उपमहानगरपालिका वडा नं. १० मा ब्युटिपार्लर र बुटिक सम्बन्धी तालिम सुरु भएको छ । दलित कल्याण संघको आयोजना र वडा कार्यालयको आर्थिक सहयोगमा सुरु भएको ब्युटिपार्लर र बुटिक तालिमको आईतबार एक कार्यक्रमको आयोजना गरी उद्घाटन गरीएको छ ।

आयोजक संस्थाका अध्यक्ष नरसिंह विश्वकर्माको अध्यक्षता तथा वडा सदस्य मंगल चौधरीको प्रमुख आतिथ्यतामा कार्यक्रम भएको हो । कार्यक्रममा दलित महिला सदस्य केशरी विश्वकर्माले बोल्नु भएको थियो । दुई महिना सम्म चल्ने ब्युटिपार्लर तालिममा २० जनाको सहभागिता रहेको छ भने एक महिना सम्म सञ्चालन हुने बुटिक तालिममा ३० जना सहभागी छन् ।

बुटिक प्रशिक्षकमा शोभा विक रहनु भएको छ भने ब्युटिपार्लर तालिमको प्रशिक्षकमा सरस्वती थापा रहनु भएको संघले बताएको छ । संघका सदस्य अर्जुन परियारले स्वागत गर्नुभएको कार्यक्रमको सहजीकरण सचिब सन्तोष चनाराले गर्नुभएको थियो ।