शिवु खनाल, दाङ, फागुन । प्रदेशनम्वर पाँचका आन्तरिक मामिला तथा कानुन मन्त्री कुलप्रसाद केसीले वडा प्रहरी कार्यालय लमहीको निरिक्षण गर्नु भएको छ । कानुन मन्त्री केसी र सह सचिव प्रेम भट्टराईले शनिबार वडा प्रहरी कार्यालयको निरीक्षण गर्नु भएको हो ।

कानुन मन्त्री केसीले कार्यालय परिसर, कार्यालय व्यवस्थापन, सवारी साधानको निरिक्षण गर्नुभएको हो । ‘प्रहरीले कुनै पनि काम चुस्त दुरुस्त गर्नुपर्छ’, मन्त्री केसीले भन्नुभयो, ‘मैले यहाँहरुको कामको राम्रोसँग मूल्याङ्कन गर्नेछु । सुरक्षामा कमी कमजोरी भए अनेकौं किसिमका घटना, अपराध हुन सक्छन् । यो कुरालाई कहिले पनि नभुल्नुहोला ।’

उक्त अवसरमा वडा प्रहरी कार्यालय लमहीका प्रमुख सुरज खड्काले लमहीको शान्ति सुरक्षामा कुनै कमी कमजोरी नभएको बताउनु भयो ।