ताजा अपडेट

नेपालद्वारा हङकङ पराजित

          |   126 Views   |   Published Date : 29th January 2018 |

vollyball_cPLL5w12Do

काठमाडौँ,माघ - नेपाली राष्ट्रिय भलिबल टोलीले आज मैत्रीपूर्ण खेलमा हङकङलाई ३–२ को सेटमा पराजित गरेको छ ।

हङकङको यान चाउ कोक स्पोर्टस् सेन्टरमा नेपालले हङकङलाई २३–२५, २८–२६, २५–२१, २१–२५ र १७–१५ अंकले हराएको हो ।

नेपाली भलिबल टोली मैत्रीपूर्ण खेल खेल्न बुधबार हङकङ गएको हो । इमबहादुर रानामगरको कप्तानीमा रहेको नेपाली टोलीले सोमबार अर्को मैत्रीपूर्ण खेल खेल्नेछ । नेपाली टोलीले मकाउको राष्ट्रिय टिमसँग बुधबार मैत्रीपूर्ण खेल खेल्ने कार्यक्रम रहेको प्रशिक्षक जगदीशप्रसाद भट्टले जानकारी दिए ।

यसअघि सन् १९८३ मा नेपालले जापानमा आयोजना गरिएको तेस्रो एशियन पुरुष च्याम्पियनसिपमा पहिलो पटक हङकङलाई हराएको थियो । नेपालले ३४ वर्षपछि दोस्रो पटक हङकङलाई उसकै भूमिमा पराजित गरेको छ ।

नेपाली टोलीका साथमा नेपाल भलिबल संघका अध्यक्ष मनोरञ्जनरमण शर्मा, महासचिव जितेन्द्रबहादुर चन्द, विद्यालय भलिबल कमिसनका उपाध्यक्ष युवराज श्रेष्ठ, टिम व्यवस्थापक राजकुमार गुरुङ, अन्तर्राष्ट्रिय रेफ्री पूर्णप्रसाद चौलागाई, मुख्य प्रशिक्षक वीरेन्द्र चौधरी र प्रशिक्षक भट्ट रहेका छन्  ।

Facebook Comments








Leave a comment

Your email address will not be published.


*


गणतन्त्र दैनिकद्वारा सञ्चालित गणतन्त्र अनलाइन डट कम डट एन पी, घोराही, दाङ पत्रिकाको सम्पादक/प्रकाशक : सविन प्रियासन अनलाइन सम्पादक:दीपक जीएम
इमेल :
daily.ganatantra@gmail.com फोन नम्वर : ०८२–५६१९०८, ९८४७८२५४५१