ताजा अपडेट

‘सन्दीप आइपिएल खेल्ने पहिलो नेपाली खेलाडी

          |   142 Views   |   Published Date : 28th January 2018 |

1517141931cricket

      दिल्ली । दिल्ली डेयर डेभिल्सले नेपाली युवा बलर सन्दीप लामिछानेलाई इन्डियन प्रिमियर लिग आइपिएल खेल्न २० लाख भारतीय रूपैयाँमा किनेपछि त्यसको चर्चा देश विदेशमा छाएको छ।

सन्दीप लामिछानेको सुरूवाती मूल्य २० लाख भारु तोकिएको थियो र दिल्लीले २० लाख भारूमै किन्यो।

सन्दीपलाई किनेको दिल्लीले आफ्नो क्लवबाट सन्दीपलाई खेलाउन पाउनु निकै खुसीको कुरा भएको बताएको छ। दिल्लीको आफ्नो आधिकारिक ट्वीटमा भनेको छ ‘सन्दीप आइपिएल खेल्ने पहिलो नेपाली खेलाडी बनेका छन् १७ वर्षको लेग स्पिनरलाई स्वागत गर्न पाउनु हाम्रा लागि निकै खुसीको कुरा हो ।’

यसैबीच आइपिएल खेल्ने नेपालको पहिलो खेलाडी बनेका सन्दिपलाई सामाजिक सञ्जालमा बधाइ दिनेको ओइरै लागेको छ ।

५ सय ७८ जनाको अक्सन सूचीमा सन्दीप २ सय ७८ नम्बरमा थिए। सन्दीप एसोसिएट क्याटागोरीबाट आइपिएलमा आबद्ध भएका हुन्।

यसअघि सन्दीप पाकिस्तान सुपर लिग पिएसएल र बंगलादेशको घरेलु लिगको ड्राफ्टमा परे पनि अक्सनबाट टिममा छनोट हुन असफल भएका थिए।

Facebook Comments








Leave a comment

Your email address will not be published.


*


गणतन्त्र दैनिकद्वारा सञ्चालित गणतन्त्र अनलाइन डट कम डट एन पी, घोराही, दाङ पत्रिकाको सम्पादक/प्रकाशक : सविन प्रियासन अनलाइन सम्पादक:दीपक जीएम
इमेल :
daily.ganatantra@gmail.com फोन नम्वर : ०८२–५६१९०८, ९८४७८२५४५१