घोराही, माघ ३ । राप्ति अटो ट्रेडिङ घोराही दाङका सञ्चालक भोलानाथ योगिले सञ्चालन गर्नु भएको ड्याटसन कार शोरुमको उद्घाटन गरिएको छ ।   आइतबार घोराहीमा एक कार्यक्रमको आयोजना गरी कार शोरुमको उद्घाटन गरिएको हो । शोरुमको उद्घाटन नेपाली काँग्रेसका नेता सशाङ्ख कोइरालाले गर्नुभएको थियो । कार्यक्रमका प्रमुख अतिथिसमेत रहनुभएका नेता कोइरालाले ट्रेडिङको महत्वका बारेमा बताउदै यसलाई ब्यवस्थित गरी सामाजिक अभियानसंग जोड्नुपर्ने धारणा राख्नु भएको थियो । जापनिज कम्पनि निशानले बजारमा ल्याएको ड्याटसन कारको र कम्पनिको बारेमा कम्पनिका सेल्स म्यानेजर पुरुषोत्तम भण्डारीले जानकारी गराउनु भएको थियो । सो अवसरमा बोल्दै ट्रेडिङका सञ्चालक भोलानाथ योगिले सस्तो र सुपथ मुल्यमा पाइने उक्त कार बलियो र सुविधायुक्त रहेको बताउनुभयो । कच्चि रोडमा समेत कार राम्रोसँग चलाउन सकिने बताउदै उहाँले अन्य कम्पनिको तुलनामा यस कम्पनिले बजारमा ल्याएको कारले प्रति किलोमिटर २०.६२ माइलेज दिने जानकारी दिनुभयो । सञ्चालक योगीले बजारमा आएको ड्याट्सनको ५ सिटको कारलाई २१ लाख ९९ हजार रुपैयाँ र ७ सिटको कारलाई २४ लाख ९९ हजार रुपैयाँ मुल्य पर्ने र पहीलोचरणमा कार किन्नेलाई छुट दिइने बताउनुभयो ।