घोराही, पुस १ । घोराही भरतपुर घर भई हाल लण्डनमा बस्दै आउनुभएका डा.भरतराज श्रेष्ठ र डा. रेखा श्रेष्ठको दम्पत्तीले बृद्धबृद्धाहरुलाई पानि शुद्ध गर्ने वाटर प्युरिफाई मेसिन सहयोग गर्नुभएको छ ।
जेष्ठ नागरिक सरोकार केन्द्रद्वारा घोराही–९ तेह्रौटेमा सञ्चालित बृद्धाश्रममा रहेका बृद्धबृद्धाहरुलाई शुद्ध खानेपानी उपलब्ध गराउने उद्देश्यले श्रेष्ठ दम्पत्तीले वाटर प्युरिफाई मेसिन सहयोग गर्नुभएको हो । जेष्ठ नागरिक सरोकार केन्द्रका बरिष्ठ उपाध्यक्ष भुपाल गिरीलाई श्रेष्ठका भाइ ध्रुवकुमार श्रेष्ठ, कुमारराज श्रेष्ठले वाटर प्युरिफाइ मेसिन हस्तान्तरण गर्नुभएको थियो । सो अवसरमा बृद्धाश्रममा वाटर प्युरिफाई सहयोग गर्ने श्रेष्ठ परिवारलाई सरोकार केन्द्रकोतर्फबाट वरिष्ठ उपाध्यक्ष गिरीले धन्यवाद दिँदै आभार प्रकट गर्नुका साथै निरन्तररुपमा सहयोग गर्न आग्रह गर्नुभएको थियो ।